Karangan versi Negeri Sembilan

PAGI TU PAGI SENAYAN. MAK NGAN ABAH DEN TAKDO KEK GHUMAH. GI MOTONG GOTAH KEK KOBON GOTAH. TING GA DEN, UWAN DEN NGAN ADIK DEN YANG UMO LAPAN TAUN YO KEK GHUMAH.

TE TIBO DAPO GHUMAH JIGHAN DEN MOLOTOP!!!.. BE LANGO NGAN KUALI TOHUMBAN KEK PINTU PAGA. UWAN DEN YANG TONGAH GOJOAN KEKABU TU, DEK TERGAMANG EH, BIJI KEKABU DITEGHAJANG EH. LOBIH SOGONGGAM KEKABU DI KUNYAH EH. DEN NGAN UWAN DEN BEKOJA NAK NOLONG AN JIGHAN DEN. UMAH AII, API NENEK MOYANG BOSA EH..JANGAN KAN NAK NOLONG, DOKEK PEN PANEH. TAK DITOLONGKAN JIGHAN, KUK DITOLONGKAN, AWAK LAK MODA. DEN NGAN ADIK DEN PUN BERTINGGUNG LAH KEK PINTU PAGA NUNGGU AN API PADAM. JIGHAN DEN TAH APO LAK KABAAN EH. KOK IDUP, ADOL LAH. TAK LAMO TU, JIGHAN DEN PUN BALIK. GHUPO EH DIO GI BONDA TENGOK ANAK EH TANGKAP IKAN. PUEH DEN KOBAAN DAPO EH TEBAKA, TAK DIAPIK EH. SUKO BONA ANAK EH DAPEK IKAN BOSA. POLAK NAWA DE..

YO TAK YO, DEN PUN BALIK GHUMAH. KOJAP TU, DEN DONGAR JIGHAN DEN MEGHAUNG. BAGHU PERASAN LAH TU. AGAK EH, DIO NAK MASAK IKAN, GI DAPO TENGOK DAH HANGUH KANG KOK DIO DATANG NGADU KEK GHUMAH DEN, MAU YO DEN GHEMBAT EH. PUEH DEN KOBAAN TADI.

TU LAH CITO SEDERHANA NGOGHI YANG DEN TENGOK. TAPI TU PUN DAH LAMOOO. MASO DEN KOCIK. TU PUN UWAN DEN YANG CITO... "KOK MONGAK WAN DEN, MONGAK LAH DEN.."


*Den oghang ngoghi gak...tapi den pun ambil maso lamo gak nak faham cito ni...camno tu? Adeh!